Нойрны чанараа 50%-иар сайжруулж бөх, сайхан унтаж байя гэвэл эдгээр дүрмийг мөрдөөрэй. Та  хэзээ ч нойргүйдлийн өвчнөөр шаналахгүй.
1. Өдөр бүр тогтмол нэг цагт унтаж хэвших ёстой. Орондоо орж унтахад хамгийн таатай цаг бол 22:30 гэж эрдэмтэд тогтоожээ. 
2. Өглөөны ундаа уухын өмнө хөнгөн дасгал, гимнастикийг 10 минутын турш хийж бай. 
3. Өдрийн хоолыг хангалттай, сайн идэх хэрэгтэй. Харин оройн хоол бага хэмжээтэй, хөнгөвтөр байвал зохино. 
Эрдэмтэд олон судалгаа явуулсны эцэст нойроо бүтэн авах цагийг тооцолон гаргажээ. 14-17 настай өсвөр насныхан хоногт 8-10 цаг унтах ёстой. Харин насанд хүрсэн хүмүүс буюу 18-64 насныхан 7-9 цаг унтахад хангалттай. 64 ба түүнээс дээш настай ахмад настнууд хоногт 7-8 цаг унтах хэрэгтэй.