Зайдас, хиам зэрэг хэт боловсруулсан хүнсний хэрэглээг хязгаарлавал зохино, энэ нь ялангуяа ахимаг настнуудад хамаатай. Яагаад гэвэл, эдгээр хүнсэнд их хэмжээний давс агуулагддаг. Ахимаг настнуудын нилээд хувь нь даралт, зүрх судасны асуудалтай байдаг, тиймээс давс ихтэй зайдсыг өдөр бүр хэрэглэж огтхон ч болохгүй. Мөн эдгээр хүнсэн дэх ханасан өөх тос нь давстай хосолж хортой холестерины түвшнийг нэмэгдүүлж даралт ихдэхэд хүргэж болзошгүй. Түүнчлэн илчлэг ихтэй учраас таргалуулах эрсдэлтэй. Зайдас, хиамыг хэт өндөр температурт боловсруулдаг учраас канцероген нэгдлүүд үүсэх эрсдэлтэй. Түүнээс гадна зайдас, хиаманд хүнсний нэмэлт бодисууд их бий, эдгээр нь нойр булчирхай болон элэгний үйл ажиллагаанд сөрөг нөлөөлдөг. Жишээ нь эдгээрийг гоё өнгөтэй болгож удаан хадгалахын тулд нитритүүд, нитратуудыг нэмдэг. Ийм хүнсийг байнга идвэл хавдар, хорт хавдар тусах аюултай. Зайдас, хиам нь гэдэсний хорт хавдар үүсэх эрсдэлийг 18%-иар нэмэгдүүлдэг болохыг зарим судалгаа баталжээ.