“Спутник V" вакциныг өөрчилж “дельта” штаммын эсрэг үйлчилгээтэй шинэ хувилбар гаргасан тухай Оросын Гамалеин нэрэмжит Тахал, микробиологийн төвийн дарга, академич Александр Гинцбург мэдэгдэв. “Вакцины шинэ хувилбар хэр зэрэг үр дүнтэй тухай ярихад эрт байна. Орос даяар коронавирүсийн халдвар авагсдын тоо аажмаар буурч байгаа. Гэвч нас баралт багасахгүй байгаа нь манайд одоо “дельта” штамм давамгайлсантай холбоотой. Ирээдүйд өөр шинэ, шинэ мутаци дэгдэж болзошгүй. Вакцин тариулаагүй өвчтөнүүдийн халдвартай үе 2-3 долоо хоног үргэлжилж байна, гэтэл бусад штаммын үед ердөө 4-5 хоног байдаг билээ. Үүний зэрэгцээ хүний дархлааны систем ерөнхийдөө 10-14 өдөрт эсрэг биетийг ялгаруулдаг ба Сэхээн амьдруулахын эмч нар өвчтөний дархлааны систем ажиллаж эхэлтэл тусалдаг юм. Гэвч “дельта” штаммын үед эмч нар ихэнхдээ тусалж амжихгүй байна” хэмээн академич А.Гинцбург ярьсныг yandex.com дамжууллаа.