Олон улсын эрдэмтэд таргалалтын шалтгааныг тогтоохоор судалгаа явуулж үр дүнгээ “The American Journal of Clinical Nutrition”-т нийтэлжээ. “Орчин үеийн хүмүүс илүүдэл жинтэй болж байгаа нь их идсэнээс болоогүй, харин гликемийн өндөр индекстэй хүнс хэрэглэсэнтэй холбоотой. Эдгээр хүнсэнд гурилан бүтээгдэхүүн, бялуу, жигнэмэг, цагаан будаа, амуу соёолж, шар айраг, шарсан төмс, лаазалсан жимс, зөгийн бал, попкорн түүнчлэн хулуу, шийгуа, гич багтана” гэж судлаачид дүгнэжээ.
Гликемийн өндөр индекс гэдэг нэр томъёо 1980-аад онд гарсан. Канадын эрдэмтэн Дэвид Женкинс зарим хүнсийг хэрэглэхэд глюкоз хурдан ялгардаг бол зарим нь удаан хугацааны турш аажмаар түүнийг ялгаруулж байгааг анх анзаарчээ. 70-аас илүү индекстэй хүнсийг хэрэглэхэд бие махбодид саахарын түвшин хурдан нэмэгдэж илүүдэл энерги үүсдэг ба дараа нь өөхөн эсүүд болон “нөөцлөгддөг”, улмаар биеийн жин хурдан нэмэгдэн таргалдаг аж. “Хүмүүс одоо голдуу өндөр түвшинд, хүчтэй боловсруулсан хоол хүнс хэрэглэж байгаа, иймээс тэдгээр хүнсэнд хурдан нүүрс-ус ихээр агуулагддаг” хэмээн Харвард, Корнеллский, Калифорнийн их сургуулийн эрдэмтэд тайлбарлалаа.