Хүн төрөлхтөн шинэ, байгалийн дайсантай болсон тухай Оросын Шинжлэх ухааны Академийн функциональ геномик, генетикийн төвийн лабораторийн эрдэм шинжилгээний ахлах ажилтан Анча Баранова мэдэгдлээ. Тэрбээр “Одоо вакцин үйлчилж коронавирүсийн өөр өөр мутаци үүсч байна. Дундаж наслалт 10 жилээр богиносно гэдэгтэй хүн төрөлхтөн эвлэрэх хэрэгтэй боллоо. Залуу байхад хүний дархлаа коронавирүсийн эсрэг, түүний янз бүрийн штаммын эсрэг сайн тэмцдэг. Харин хөгширч нас ахих тусам хүмүүс олон өвчинд нэрвэгддэг, тэдний нэг нь коронавирүс болох шинжтэй” хэмээжээ.
Биологч эрдэмтний үзэж буйгаар хүмүүс 2-3 үеийн дараа л энэ вирүсийг дарж чадах бөгөөд тэр үед коронавирүсийн бүтэц өөрчлөгдөж жижигрэх гэнэ. Анча Баранова “Ямарваа төрөл зүйлд байгалийн шалгарал үйлчилдэг, хүн төрөлхтөнд ч ялгаагүй. Коронавирүсийн эсрэг тэмцэлд тохиромжгүй генотипийн тоо цөөрсөөр, харин энэ аюулыг амжилттай даван туулж байгаа хүмүүс амьд үлдэж байна” хэмээн тайлбарласныг gazeta.ru нийтэлжээ.