Харвардын их сургуулийн эрдэмтэд өндөр настнуудын талаар судалгаа хийсний эцэст ийм сонирхолтой дүгнэлт хийжээ. Тэд 70 хүртэл насалсан эмэгтэйчүүдийг 100 ба түүнээс дээш насны эмэгтэйчүүдтэй харьцуулжээ. Гэтэл 100 гаруй настнуудын дунд 40 наснаас хойш хүүхэд гаргасан эмэгтэйн тоо нь 70 хүртэл насалсан эмэгтэйчүүдээс 4 дахин их байлаа. Түүнээс гадна хожуу буюу 40 наснаас хойш хүүхэд төрүүлсэн эмэгтэйчүүдийн хувьд остеопороз ба Альцгеймерийн, зүрхний өвчнөөр өвдөх нь цөөн аж. 
Нэмж өгүүлэхэд, Английн эрдэмтэд судалгаа шинжилгээ явуулж байхдаа суу билэг ба эхийн насны хооронд уялдаа холбоо байгааг олж тогтоожээ. Тэд 11 жилийн турш 176 гэр бүлийг судалжээ. Ээж нь 16-22 насандаа төрүүлсэн хүүхдүүдийн IQ бага байв, эрдэмтэд үүнийг эхийн стресстэй холбон тайлбарлав. "Эхийн наснаас хүүхдийн оюуны чадвар хамаардаг. болохыг бид баталлаа. Агуу суутныг төрүүлэх хамгийн тохиромжтой нас бол 27" гэж эрдэмтэд  мэдэгджээ.