Вакцинжуулалтад хамрагдсаны дараа ямар хүмүүс голдуу “COVID 19”-н халдвар авч байгааг тодруулахаар Германы эрдэмтэд судалгаа хийсэн тухай “Focus” мэдээллээ. Роберт Кохын хүрээлэнгийн тайланд дурдсанаар, 2021 оны 9 сарын эхнээс 10-р сарын эхэн хүртэлх хугацаанд коронавирүсийн халдвар авсан өвчтөнүүдийг судлахад 4 хүн тутмын 1 нь вакцинжуулалтад бүрэн хамрагдсан байв. Халдвар авсан хүмүүсийг насаар ангилахад: 
2,2% нь 12- 17 насныхан
28,4% нь 18- 59 насныхан 
52,6% нь 60-аас дээш насныхан. 
Вакцины бүрэн тунтай хүмүүсийг судлахад ахмад настнууд ковидоор хамгийн их өвчилдөг нь ийнхүү батлагдав. “Вакцины үр дүн маш сайн, 80-90% байгаа. Вакцинжуулалт ковидын хүнд хэлбэрээс хамгаалдаг” гэж халдвар судлаач Кристоф Спиннер мэдэгджээ.