“COVID 19” туссаны дараа уушиг гэмтэхээс гадна өөр бусад эрхтэнд сөргөөр нөлөөлж болзошгүй талаар олон улсын эрдэмтэд хамтарч судалгаа явуулжээ. Испани, Франц, Германы эрдэмтдийн хамтарсан судалгаанаас үзэхэд коронавирүсийн халдвар маш ховор тохиолдолд хүний уураг тархины тодорхой эсүүдийг хөнөөж аюултай гэнэ. Тэдний бүтээлийг “Nature Neuroscience” сэтгүүл нийтэлсэн байна. Ковидтой өвчтөнүүдийг ажиглахад уураг тархины цус огт байх ёсгүй тийм газруудад цус бий болсон нь тогтоогджээ... Уураг тархийг тойрон байрлах эндотелиаль эсүүд нь бага тархийг хамгаалж цусны урсгалыг хөнгөвчилдөг. Гэтэл эндотелиаль эсүүд үхсэний дараа “хий үзэгдэл шиг судсууд” үүсч байв, гэхдээ тэр судсуудаар цус урсахгүй байлаа. “Тархины зарим хэсэгт глюкоз, хүчилтөрөгч очихгүй байж болзошгүй, улмаар өвчтөнүүдэд микрогеморра эрсдэл үүсэх магадлалтай (энэ нь цусны урсац буурах эрсдэлийг харуулдаг). Ийм өвчлөл үхэлд ч хүргэх аюултай. Азаар ийм гэмтэл маш ховор тохиолддог ба одоогоор ковидын улмаас тархинд гэмтэл үүсч нас барсан тохиолдол гараагүй” гэж эрдэмтэд судалгаандаа дурджээ.