АНУ, Сингапурын эрдэмтдийн баг “COVID 19”-н шинэ штаммуудын эсрэг биетийг илрүүлэх экспресс тест бүтээлээ. Шинэ, түргэн тестийн хариу 10 минутад гарах бөгөөд 93%-ийн магадлалтай гэж Америк, Сингапурын мэргэжилтнүүдийг багтаасан “SMART” холбоо мэдээлэв. Хамгийн гол нь шинэ тестийг лабораторийн бус нөхцөлд хийх боломжтой, заавал анагаахын мэргэжилтэн хийх шаардлагагүй, тэр бүү хэл тусгайлан хүн сургах шаардлагагүй. Тест хийхийн тулд хүмүүсийн хуруунаас дусал цус авахад хангалттай. Цусны дээжээ хариу урвалын уусмалтай хольж дараа нь лакмусын цаасанд түрхэх хэрэгтэй. Дараа нь лакмусын цаасыг тусгай төхөөрөмжөөр шинжилдэг юм байна.
“Сургуулиуд, ажлын байран дээр энэ тестийг хэрэглэхэд амар хялбар, хурдан, бас ашигтай. Жишээлбэл, хүмүүс бүүстэр вакцин тариулах эсэхээ шийдэхдээ шинэ, хурдан тестийг ашиглаж болно” гэж эрдэмтэд тайлбарлалаа.