Америк гүрний Цинциннати их сургуулийн эрдэмтэд хорт хавдрын эсүүдийг устгадаг бактери бүтээлээ. “Advanced Healthcare Materials” сэтгүүл эрдэмтдийн энэ судалгааны материалыг нийтэлжээ. Судлаачид анх “Nissle” гэдэг нэртэй гэдэсний савханцрын штаммыг өөрчлөхөөр шийджээ, бусад төрлөөс ялгаатай нь энэ бол хүнд гэм хоргүй төдийгүй “E-Coil” эмгэг штаммаас хамгаалдаг аж. Өвөрмөц технологийн ачаар эрдэмтэд бактерийн гадна бүрхүүл дээр протеин (уургууд, ферментүүд) агуулсан “цэврүү” үүсгэж чадав. Чухам эдгээр пробиотик нь хорт хавдрын эсүүдийн матрицаг дотроос нь устгадаг юм байна, өөрөөр хэлбэл тэдгээр нь хавдар буюу хорт хавдар луу нэвтэрч тийш энзимийг хүргэх чадвартай. Судалгааны удирдагч, доктор Налиникант Котагири “Хөхний ба түрүү булчирхайн хавдрыг бид олон жил судалж маш их материал цуглуулсан билээ. Хорт хавдар голдуу бүрхүүлтэй байдаг ба коллаген, гиалуроновын хүчлээс бүрддэг. Энэхүү бүрхүүл бол эсүүдийг тойруулан саад үүсгэж улмаар хорт хавдар луу эсрэг биетүүд болон дархлааны эсүүд нэвтрэх явцыг хүндрүүлдэг” гэж онцлон тэмдэглэв.
“Манай нээлтийг амны хөндийн ба арьсны хавдрын эсрэг тэмцэхэд ашиглана гэж бид найдаж байна. Түүнчлэн бактерийн ачаар хорт хавдрын комплекс эмчилгээнээс моно эмчилгээ рүү шилжих боломжтой” гэж эрдэмтэд мэдэгдлээ. Дашрамд дурдахад, хорт хавдрын бүх хэлбэрийн 80% орчим нь хүнсний хортой бодис, канцерогеноос үүдэлтэй гэж эрдэмтэд өмнө нь баталсан билээ.