Америкийн Эрүүл мэндийн үндэсний хүрээлэнгийн эрдэмтэд (NIH) коронавирүс хэр удаан хугацаагаар хүний биед хадгалагдаж болох талаар судалгаа явуулав. Тэд ковидоор нас барсан 44 хүний био материалыг шинжилжээ. “Бид ковидоор нас барсан хүмүүсийн биеийн олон хэсэгт SARS-CoV-2-н тогтвортой РНК байгааг илрүүлсэн, бүр уураг тархинд ч гэсэн. Коронавирүсийн халдвар авснаас хойш 230 хоног хүртэл хугацаанд вирүс илэрч байв” гэж эрдэмтэд мэдэгдлээ. (Тайлбар: РНК буюу рибонуклеиновая кислота бол 3 макромолекулын нэг, нөгөө хоёр нь ДНК ба уургууд). 
Энэ вирүс хүний уушгиас гадна тархи, зүрх зэрэг ихэнх эрхтэнд нэвтэрч улмаар тэнд 6 сар гаруй хугацааны турш байдаг гэж судлаачид нотолж байна. Тэр бүү хэл ковидоор хөнгөн эсвэл шинж тэмдэггүй өвчилсөн ч ялгаагүй “COVID” хүмүүсийн бие организмаар тархдаг аж. Нэг сайн мэдээ гэвэл, вирүс зөвхөн уушигт үрэвсэл үүсгэдэг юм байна. Ямартай ч эрдэмтэд өөр газарт ноцтой үрэвсэл үүссэнийг илрүүлээгүй. “Манай судалгаагаар вирүс биеэс удаан гадагшилдаг нь батлагдсан, гэхдээ амьсгалын замаас гадуур ноцтой үрэвсэл үүсгэдэггүй нь нотлогдлоо” гэж АНУ-ын эрдэмтэд онцлон тэмдэглэв. Тэдний судалгаа, шинжилгээний тухай “Research Square” сайтаас дэлгэрүүлэн үзнэ үү.