Хорт хавдрыг устгах супер хүнс бол куркума гэж “Cancer Research UK” байгууллагын эрдэмтэд, эмч нар мэдэгдсэнийг “Daily Express” дамжууллаа. Энэ бол хавдрын судалгаа хийдэг буяны байгууллага юм байна. “Куркумад их хэмжээний антиоксидант агуулагддаг учир хорт хавдын эсүүдийг устгах чадвартай, иймээс түүнийг хавдрын өвчнийг эмчлэх хэрэгсэл болгон ашиглаж болно. Куркумагийн бүтцэд агуулагдах куркумин нь хорт хавдар тусах эрсдэлийг бууруулж хавдрын өсөлтийг зогсоодог. Куркумаг өргөн хэрэглэдэг улс орнуудад хавдартай хүмүүс маш цөөхөн байдаг нь үүнтэй холбоотой” гэж “Cancer Research UK”-н эмч нар мэдэгдлээ. Түүнчлэн куркума нь нүдэнд сайн, катаракт ба глауком, макулодистроф үүсэх эрсдэлийг бууруулдаг. Куркума бас холестерин бууруулдаг юм байна. Гэхдээ түүнийг хэтрүүлж хэрэглэвэл ходоод хямрах, исгэлэн хэхрэх, гэдэс гүйлгэх, толгой эргэх, толгой өвдөх зэрэг сөрөг нөлөөтэйг анхаарна уу. 
Нэмж өгүүлэхэд, куркумад агуулагддаг полифенол куркуминээр коронавирүсийг эмчлэх боломжтой гэж Бразил улсын эрдэмтэд өмнө нь мэдэгдсэн билээ.