Коронавирүсийн омикрон хувилбар бага насны хүүхдүүдэд онцгой аюул учруулж байгаа тухай Оросын анагаах ухааны дэд доктор, халдварын эмч Андрей Поздняков сэрэмжлүүлсэн талаар “РИА Новости” мэдээлэв. 
“Омикрон штамм бага насны хүүхдүүдэд нилээд хүндрэл үүсгэж байна. Орост сүүлийн үед ийм оноштой хүүхдүүд эмнэлэгт хэвтэх нь олширлоо. Омикрон бол мөгөөрсөн хоолойд хурдан өсч олширдог бол харин уушгинд арай бага байна. Насанд хүрсэн хүмүүсийн хувьд энэ сайн хэрэг, яагаад гэвэл бронхит (мөгөөрсөн хоолойн үрэвсэл) таагүй хэдий ч хатгаагаас ялгаатай нь томчуудыг үхэлд хүргэдэггүй. Харин хүүхдүүдийн хувьд байдал эсрэгээр, ялангуяа бага насны хүүхдүүдэд. Биеийн анатоми, насны онцлогоос болоод бага насны хүүхэд хэрэв бронхит болсон бол хүндрэх нь магадлал их. Учир нь ийм насны хүүхдийн мөгөөрсөн хоолой гүйцэд бүрэлдээгүй байдаг, бага насных тусмаа бронх сүвтэй, эмзэг, эрсдэл ихтэй” гэж дэд доктор, халдварын эмч Андрей Поздняков ярилаа.