Английн эрдэмтэд коронавирүст хамгийн өртөмтгий насыг тодруулжээ. “Англи даяар халдварын тоо мэдэгдэхүйц буурч байгаа нь ихэнх насны бүлэгт ажиглагдсан. Зөвхөн 75-аас дээш насны ахмад настнууд, мөн 18-34 насны залуусын дунд ковидын өвчлөлт буурахгүй байна” гэж тус орны коронавирүсийн халдвар авсан хүмүүсийг бүртгэдэг “ZOE Covid Study” сайт мэдээлэв. “Судалгаанаас үзэхэд 14 хоногийн дотор давтан халдвар авах магадлал 7% орчим байна, ихэнх тохиолдолд тэд омикрон хувилбараар өвчилдөг. Коронавирүсийн гол шинж тэмдгийн хувьд өөрчлөлт бараг үгүй, урьдын адил их ядрах болон найтаах, толгой өвдөх, хоолой өвдөх, хамрын ханиад тусах зэрэг шинж тэмдэг илэрч байгаа” гэж эрдэмтэд дүгнэжээ.