Хятад улсын Зүүн Өмнөд их сургуулийн эрдэмтэд “Сармис бол глюкозын болон цусан дахь холестерины түвшнийг хэвийн болгодог” хэмээн мэдэгдлээ. Тэд өмнө нийтлэгдсэн 29 судалгааны үр дүнд анализ хийсэн аж. Эдгээр судалгаанд дэлхийн олон орны 1567 хүн хамрагдсан. Сайн дураар судалгаанд оролцогсдын нас 18-80. Эрүүл хүмүүсээс гадна II төрлийн диабет, алкоголийн бус элэгний өөхлөлт, таргалалт болон даралт ихдэх өвчнөөр шаналж буй хүмүүс түүнчлэн зүрхний өвчтэй, инфаркт туссан хүн ч тэдний дунд байжээ. Судалгааны үеэр сармисыг түүхийгээр, мөн ханд болон хүнсний нэмэгдэл, нунтаг хэлбэрээр хэрэглэсэн аж. Гэтэл сармисыг ямар ч хэлбэрээр хэрэглэсэн эерэг нөлөөлж байсан төдийгүй саахар ба холестерины үзүүлэлтийг бууруулж байв. “Сармисын ийм ашигтай шинж чанарыг бие махбодид аллицин нэртэй органик нэгдлийн синтезийг хурдасгах чадвартай нь холбон тайлбарлаж болох юм. Аллицин нь цусны эргэлтийг хэвийн болгохын зэрэгцээ микробын эсрэг идэвхтэй үйлчилж элгэнд триглицерид (өөх) үүсэхийг дарамталдаг” хэмээн хятад эрдэмтэд ярилаа. Судалгааны дүнг “Nutrients” сэтгүүл нийтэлжээ.