“Урам хугарал, харамсал гомдол зэрэг сөрөг сэтгэл хөдлөл бол хүний хавирга ба гэдэсний дээд хэсгийн хооронд (наран сүлжээ) хуримтлагддаг” хэмээн мэргэжилтнүүд үздэг. Хэрэв та өөрт сөрөг сэтгэл хөдлөл их хуримтлагдсан гэж мэдэрвэл дараах дасгалыг хийж гүйцэтгэн таагүй мэдрэмжээс ангижирахыг хичээгээрэй. 
Эхлээд 3 удаа хэвийн амьсгал авч гаргана. 3 дахь удаа амьсгалаа гаргахдаа аль болох их агаарыг уушигнаасаа гаргахыг оролд. Амьсгалаа түр зуур барь. Дараа нь амьсгал авахдаа байдгаараа төвлөрч, “Уушиг маань тэлж цээж ба гэдэсний хэсэг рүү хүчилтөрөгчийг сорж оруулж байгаа” гэж дотроо төсөөлнө. Та ийм байдлаар өөрийн биеийг шинэ, эерэг энергиэр дүүргэх болно.