Өнөөдөр дэлхийн 184 орны хүмүүст коронавирүсийн эсрэг вакцины бараг 9 тэрбум тун тарьсан тухай “Bloomberg” агентлаг мэдээллээ, Тодруулбал 8.95 тэрбум гаруй. “Хүн төрөлхтөний түүхэнд байгаагүй хамгийн өргөн, цар хүрээтэй вакцинжуулалт үргэлжилсээр байна. COVID-19-н эсрэг вакцины 8.95 тэрбум гаруй тунг одоогоор хийсэн. Энэ тоо бол манай гарагийн хүн амаас 16%-иар илүү юм. 100 хүн тутамд 116 тун вакцин ногдож байна” гэж тус агентлагийн шинжээчид мэдэгдэв. 
Вакцинжуулалтын дундаж хурд өдөрт 43,4 сая тун байгаа, хэрэв энэ байдлаар цаашид үргэлжилбэл дэлхийн оршин суугчдын дөрөвний нэг нь 5 сарын хугацаанд ядаж 1 тун тариулах бололтой. Түүнчлэн дэлхийн 38 улсын хүн амын 75% нь дор хаяж 1 тун хийлгээд байна. Хятад улсад л гэхэд 2,7 тэрбум тун тарьсан, тэгэхээр энэ орны хүн амын 88,6% нь багаар бодоход 1 тунтай гэсэн үг.