Монгол Улсын Ерөнхий сайд Л.Оюун-Эрдэнийн ивээл дор энэ 9-р сарын 30-ны өдөр "НИЙГМИЙН ЭРҮҮЛ МЭНДИЙН НОЦТОЙ БАЙДЛЫН ҮЕД СҮРЬЕЭГИЙН ТУСЛАМЖ, ҮЙЛЧИЛГЭЭНИЙ САЛБАР ХООРОНДЫН ХАМТЫН АЖИЛЛАГААГ БЭХЖҮҮЛЭХ НЬ" сэдэвт Үндэсний чуулган зохион байгуулагдах гэж байна. Энэ чуулганы хүрээнд "Сүрьеэгийн мэдээллийг хэрхэн хүргэх вэ?", "Хэвлэл мэдээллийн байгууллагууд, сэтгүүлч нар Сүрьеэгийн өвчлөлийг бууруулах ялгаварлан гадуурхалтыг зогсооход хэрхэн хувь нэмрээ оруулах тухай" хэмээх чөлөөт уулзалтыг сэтгүүлчдэд зориулан Халдварт Өвчин Судлалын Үндэсний Төв, Глобал Сангийн Дох Сүрьеэгийн төслөөс хамтран зохион байгууллаа.